Ye Sach!!!

Bada vichitra hota hai ye sach,
Vishwas se pare andhere ke shaitan sa,
Kalpna ke bilkul vipreet aane wale tufan sa,
Man ki ummeedo se theek ulat hota hai ye sach.
Bada vichitra hota hai ye sach...
Samay se nahi bandha hota hai ye sach,
Kabhi us nanhe panchi ki udan sa,
Kabhi har kisi ke ant-sthal shamshan sa,
Atal amitt hota hai ye sach,
Bada vichitra hota hai ye sach....
Ichashakti se door aniyantrit hota hai ye sach,
Kinkartvyavimood ho anjan sa,
Dil ke an-chahe arman sa,
Bhavnao ko jhakjhor deta hai ye sach,
Bada vichitra hota hai ye sach...
Sach bada vichitra hota hai ye sach....